- 妈米
- 853
- 经验值
- 2035
- 在线时间
- 2小时
- 昵称
-
- 宝宝生日
-
- 注册时间
- 2014-7-17
- 帖子
- 88
- 阅读权限
- 31
- 积分
- 2037
- 精华
- 1
- UID
- 18041046
 
- 宝宝生日
-
- 帖子
- 88
|
本帖最后由 、童桐ζ 于 2015-1-9 16:46 编辑
《上海闲话》曾经多次讨论过沪语中个文白异读现象，就是同一个字，上海闲话有两种或者两种以上个读音。
譬如“大、家、人、生、学”咾啥。
还有一种情况是，有种介字垃拉普通话里向，读音浑身勿搭界，垃拉上海话里向却读音差勿多，甚至一式一样。新学上海闲话个朋友，勿要弄错读错噢。
下面举眼例子：
“黄”搭“王”。上海人黄王勿分，侪读【whang】，侬要是头一趟碰着一位姓【whang】个朋友，两家头作兴会得有搿能介个对话：“请问侬尊姓？”“我姓【whang】。”“啥个【whang】？是三划王个王，还是草头黄？”侬勿弄弄清爽，拿人家个姓氏弄错脱，有种人可能会得勿高兴。
“头”搭“豆”。上海话里向“头”搭“豆”侪读如“豆”个音，上面写到个“两家头”，侬要是读成“两家【tou】”,侬个上海话就勿对了，“头”搭“豆”应该侪读浊音声母【dhou】。
“鱼”搭“五”。搿两个字垃拉普通话里向，声母韵母侪勿一样，垃拉上海话里向却统统读成【ng】。有一趟我到一家点心店吃面，小黑板浪向有得“五香肉丝面”，心想五香肉丝啥个味道，倒要尝尝看，就点了一客。一歇歇辰光面上来了，其实就是鱼香肉丝面，外加辣椒摆多了，辣得我汗溚溚渧。我对服务员讲：“侬搿个是鱼香肉丝面，勿是五香肉丝面嘛。”服务员回头我：“侬讲啥个物事？啥个鱼香肉丝勿是鱼香肉丝，缠七缠八缠勿清！”伊拉偷懒，拿“鱼”写成仔“五”，反而弄得我秀才碰着兵，有理讲勿清。
“牙”搭“外”。上海话里向牙齿个“牙”个读音向“外”靠拢，葛末，侬到医院看牙齿，挂号个辰光要讲清爽，是看“牙齿”，挂号间个{我爱妈网}假使拆烂污个闲话，就要请侬到外科白跑一趟，乃末侬牙齿要痛得更加结棍了。
“我”搭“鹅”。上海人一般拿鸡鸭鹅个鹅叫作“白乌龟”，以我个猜想，因为 “鹅”垃拉上海话里向读伊左半边个音，告我搭侬个“我”是一个音。结果“鹅”“我”分勿清爽，侬垃拉讲“白乌龟”个事体，别人以为侬垃拉讲自家，随便啥人也勿肯拨拉别人当作一只呆头鹅，就像“十八相送”里向个梁山伯一样。
“洗”搭“死”。因为上海话里向迭个两个字个发音差勿多，而后面个【xi】又勿吉利，所以除脱洗衣机等个别情况外，上海人总是用“汏”来代替 “洗”。洗菜叫“汏菜”，洗碗叫“汏碗”，洗衣服叫“汏衣裳”，洗被子叫“汏被头”，洗澡叫“汏浴”，洗脚叫“汏脚”，勿过，洗脸却叫做“揩面”，洗头又回转来叫“汏头”了。侯宝林老先生当年有一段相声，讲伊有一趟到上海剃头店里理发，理发师告伊剪好头发后问伊，“头汏一汏，好勿啦？”侯大师听勿懂，心想上海剃头师傅哪能还要打人呢，入乡随俗，呒没办法，伊只好讲“你要打就打吧”。真真好白相。
各种语言当中侪有同音字。像上头几只例子中个情况，垃拉上海话里向实在是行【hang】情行事（很多），我一记头也想勿出更多，我也呒没本事拿伊拉统统寻出来。我勿过是抛砖引玉——厾出一块砖头，引出一批宝玉，但愿对学讲上海闲话个朋友有眼帮助。
|
|
发表于 2015-1-9 16:42
发表于 2015-1-13 20:31
